TP | BANDUNG TV | ASTRI CAHYANI | Nya kawas kitu prakprakan aksi anu dilakonan ku sajumlahing anggota paska perwira ti sekolah staf dan komando angkatan udara, sesko au, anu ngokolakeun demo udara anu mangrupa terjun payung di lapang lembang, kabupaten Bandung Barat, poe saptu isuk-isuk. Teu kurang ti 29 penerjun payung, 3 urang diantarana nya eta angota TNI AU wanoja, aub dina eta aktraksi di luhur langit lembang, anu dipungkas ku ngibarkeun bendera sesko au turta bendera merah putih. Lian ti terjun payung, demo udara anu mangrupa fly pass 3 helikopter, matak hookeun warga nu lalajo. Eta kagiatan teh disorang mareng jeung milangkala sesko au anu ka 55, anu diluuhan ku kepala staf angkatan udara marsekal TNI Yuyu Sutisna.
