TP | BANDUNG TV | DERI FIRMAN | Panitia lokal 34 Bandung ngalakonan jumpa pers SBMPTN 2018, di gedung Information Centre Institut Teknologi Bandung, ITB. Eta jumpa pers teh dilakonan pikeun medar mangpirang informasi patali jeung prakprakan SBMPTN 2018 ka balaera. Dumasar kana catetan, dina taun ieu genep paguron luhur negeri anu muka pendaftaran SBMPTN di wilayah lokal 34 Bandung nyaeta Institut Teknologi Bandung, Universitas Padjadjaran, Universitas Pendidikan Indonesia, UIN Sunan Gunung Djati Bandung, Universitas Siliwangi turta Institut Seni Budaya Indonesia.