TP | BANDUNGTV | ASTRI CAHYANI | Dina unjuk rasa anu dilakonan di hareupeun Gedong Sate kota Bandung, mangpuluh-puluh nu arunjuk rasa anu kabeungkeut dina Solidaritas Ikatan Mahasiswa Papua sa-Jawa Bali, micangcam kajadian anu nerekab di kota Malang jeung Surabaya tanggal 16 tur 17 Agustus nu anyar kaliwat. Eta nu arunjuk rasa manghanjakalkeun ketak represif aparat TNI, Polri, tur ormas ka aliansi mahasiswa Papua, dina unjuk rasa damey di kota Malang, sarta dikepungna asrama mahasiswa Papua Surabaya tanggal 16 tepi ka 17 Agustus 2019. Eta ketak represif teh, ngalantarankeun mahasiswa Papua salapan belasan di Malang nandangan tatu parna sarta mahasiswa opatan tatu meueusan. Lian ti kitu, walikota Malang medalkeun wacana keur mulangkeun eta mahasiswa Papua ti Malang. Samalah, dina tanggal 16 Agustus, ormas, pulisi, tur Satpol PP ngepung asrama Papua di Surabaya anu dipungkas ku ngajiret mahasiswa 42 urang sacara brutal.
