TP | BANDUNGTV | ELBY NOPITRI | Eta istrenan turta ucap sumpah teh diluluguan ku ketua DPRD Yadi Mulyadi tur diluuhan ku wakil bupati Cianjur Herman Suherman, anggota DPRD Cianjur jeung mangratus-ratus tamu undangan. Dina rapat paripurna istimewa anu dilakonan poe jumaah beurang teh, DPRD Cianjur resmi ngistrenan tur nyokot ucap sumpah opat anggota DPRD Cianjur ti partey Demokrat salaku gaganti anggota DPRD kabupaten Cianjur masa jabatan taun 2014-2019. Eta anggota DPRD anu 4 teh ti fraksi partai Demokrat nyaeta Endi Cahyadi diganti ku Hj. Lilis Boy, Usep Setiawan diganti ku Yanto Mustaram, Muhammad Riksa Iman Pribadi diganti ku Asep Setiawan turta Muhammad Herry Wirawan diganti ku Geugeu Titin Mariani. Pangna diganti eta para anggota partey Demokrat teh pindah ka partey Nasdem.
